Andoni Ferreño aktorea Ermua Antzokira dator 'Boeing Boeing' antzezlanarekin

''Productora23'' izenekoak ''Boeing Boeing'' tituluko komedia aurkeztuko du ostiral honetan Ermua Antzokian 20:30etatik Aurrera. Antzezpena Marc Camolettiren testua oinarri du eta Ricard Reguantek zuzentzen du. Aktoreen artean nabarmentzen da Ermuan jaiotako Andoni Ferreño dago, Agustin Bravo, Jorge Bestard Bosch, Lidia Miranda, Laura Artolachapi, Lala Rod eta Jorge Muñoz kideekin batera. Sarrerak 15 €uro balio du eta salmenta aurreratuan eros dezakegu Lobiano Kulturgunean, Kutxabank erakundearen webgunean, kutxazain-sarean eta leihatilan, emanaldia hasi arte.

Antzerki emanaldi honek eta Andoni Ferreño bere jaioterrira itzultzeak interesa piztu dute antzerki zaleen artean. Gainera, bere anaia Albertok ere parte hartu du muntaian, dekoratuaren diseinatzailea baita, fitxa teknikoak zehazten duenez. Arte eszenikoak familiako DNAren parte dira; izan ere, Asun Morales amak ere parte hartu du antzezpenetan Izarraitz ''emakume taldearekin, aktore amateur gisa, hainbat muntaietan. Andoñi Ferreño Ermua Antzokia berrituaren inaugurazioan izan zen eta ondoren beste titulu batzuekin ere bueltatu da.

Sinopsia

Bernard, kazetari arrakastatsua da, emakumeak bikain ematen zaizkiona, eta hirurekin dago aldi berean. Hiru hegazkin-konpainia ezberdinetako azafatak dira eta, beraz, herrialde desberdinetakoak. Hauek bere apartamentuan hartzen ditu egun eta ordutegi ezberdinetan, horrela inoiz bat etorri ez daitezen, bakoitzak uste baitu Bernarden bizitzan emakume bakarra dela. Aire-konpainiek greba egitea erabakitzen duten egunean dator arazoa.

Orduan, hegaldi-ordutegiak aldatu eta murriztu egiten dira, obraren nahaspila nagusia sortuz. Hirurak bat datoz egun berean apartamentuan, baina ordu ezberdinetara; hori gutxi balitz, Bernardek ere lagun baten zain egon beharko luke, Roberto, kazetaria eta gerrako korrespontsala, grebaren ondorioz lehorrean geratu dena eta greba amaitu arte ostatu har diezaion lagunarengana joan beste erremediorik ez duena.

Laburbilduz, altuerako komedia bat, kartelean iragartzen den bezala.