Urteko lehenengo ingelesezko ipuin saioa larunbat honetan

Ermuko Udal liburutegiak Story Time ingelesezko ipuin kontaketa zikloko urteko lehenengo saioa antolatu du larunbat honetarako, otsailak 4.

Jardueraren izenburua Broccoli for Breakfast! da, eta 4 eta 9 urte arteko haurrei zuzenduta dago. Hannah Berry kontalaria arduratuko da saioa dinamizatzeaz.

Story Time ingelesezko saio hauen helburuak ahozko tradizioaren bidez irakurzaletasuna sustatzea eta ingelesa modu ludiko batean ikastea dira.

Jarduera 17:30ean hasiko da Lobiano Kultur Gunean, eta sarrera doakoa da. Parte hartu ahal izateko, aldez aurretik izena eman beharko da 943 17 92 12 telefono zenbakira deituz, WhatsApp honetara mezua bidaliz https://wa.me/34943179212 edo biblioteca@udalermua.net helbide elektronikora idatziz haurraren izen-abizenak eta adina eta harremanetarako telefono zenbaki bat zehaztuz. Azken datu hori jardueraren arduradunari emango zaio, edozein gorabehera gertatuz gero familiekin harremanetan jartzeko aukera izan dezan. Plazak inskripzio-hurrenkeraren arabera esleituko dira.

Etenaldiak saihesteko, puntualtasuna eskatzen da.