Afrika-Ermua seigarren jardunaldiak ospatuko ditugu ostiraletik larunbatera

Badator VI. Gure udalerriko Afrika-Ermua jardunaldia. Bertan bizi diren afrikar taldeek antolatu dute topaketa, Euskal Elizbarrutietako Misinoekin eta Immigrazio eta Nazioarteko Lankidetzarako udal Sailarekin batera. Programa datorren ostiral eta larunbatean gauzatuko da.

Hona hemen, funtsean, jardunaldien helburuak:

• Etorkinen parte-hartze aktiboa espazio publikoan sustatzea.
• Ermuan bizi diren afrikar jatorriko pertsonen adierazpen kultural eta artistikoak ikusaraztea eta partekatzea.
• Gizarte-desberdintasunen egiturazko kausak ulertzen laguntzea, nazioarteko migrazioen eta bidegabekeria globalen oinarrian dauden kausak baitira.
• Ermuko herrian kulturen arteko bizikidetza hobetzen laguntzea.
• Elkarreragin positiboko espazio partekatuak sustatzea helburu horiekin bat egiten duten elkarteen, udalaren eta Ermuko herriaren artean.

Programaren xehetasunak

Ostiralean bi jarduera izango ditugu. Cyprien Melibi abade kamerundarrak ‘El grito africano, por el derecho a existir' tituluko liburua aurkeztuko du. Ekitaldia Lobiano Kultur Gunean izango da, arratsaldeko bost eta erdietan. Atsedenaldiaren ostean, ‘Los párpados cerrados de Centroáfrica’ ikus-entzunezkoa proiektatuko da. Zinema-forum horretan Alfredo Torrescalles dokumentalaren zuzendariak eta Teo Corralek hartuko dute parte.

Larunbatean jaiak egun osora luzatuko da. Goizeko 11etan, Elizbarrutiko Misioen 75. urteurrenari eta Kaikorreko haurtzaindegien proiektuari buruzko erakusketa zabalduko da. Afrikako artisautzako piezak jarriko dira ikusgai. Eguerdian dantzak izango dira M 'Lomp Kulturalekin. Arratsaldeko ordu bietan herri bazkaria izango da. Arratsaldean, bost eta erdietatik aurrera, Senegalgo borroka libreko lehiaketa izango da.

Bakh Yayek eta DJ Moussak musika eta animazioa jarriko dituzte. Arratsaldeko 8etan ‘Fafadi’k kontzertu bat eskainiko du, Senegalen eta Gambian oso ezaguna den artista bat, ziur aski eskualdeko publikoa erakarriko duena. Xehetasun gehiago dokumentu-atalean uzten dugun edizioaren kartelean.