Antzerkiaren Munduko Eguna ospatuko du liburutegiak

Gaur astelehena, martxoak 27, Antzerkiaren Munduko Eguna ospatzen da. Egun berezi hori dela eta, Ermuko Udal liburutegiak arte eszenikoekin zerikusia duten lanen zatiak proiektatuko ditu gaur bere ohiko ordutegian.

Antzerkiaren Munduko Eguna 1961ean ezarri zuen Antzerkiaren Nazioarteko Institutuak, eta harrezkero, urte bakoitzeko martxoaren 27an, Parisen Nazioen Antzerkiaren 1962ko denboraldia inauguratu zen egunean, hainbat jarduera eta ekitaldi egiten dira, munduko alde guztietan, antzerkiaren forma artistikoaren garrantzia azpimarratzeko.

Ekimen garrantzitsuenetako bat Antzerkiaren Munduko Eguneko Mezua zabaltzea izaten da. Horren bidez, mundu-mailako pertsona batek Antzerkiaren eta Bakearen Kulturaren gaiari buruzko gogoetak partekatzen ditu. Aurten, Samiha Ayoub aktore egiptoarrak antzeztu du.