Asteburuan 'Txindurri eguna' ospatuko da

Txindurri 'dantza eta txistu taldeak "Txindurri eguna" ospatuko du asteburu honetan. Programatutako ekitaldiak larunbata eta igandea bitartean izango dira. Bihar dantza-poteoa eta Ermua Kantuan izango dira, eguerdiko hamabi eta erdietatik aurrera. Arratsaldean, 7etan, Javi Alberdi mendizalea omenduko dute Artarrairekin batera. 8etan erromeria izango da Orbe Kardinalaren plazan, Fun & Go. Gaueko hamarretarako larraindantza edo larrain dantza herrikoia iragarrita dago, parte hartu nahi duten guztientzat.

Igandean taldeak osatzen dituzten dantzari eta txistulariek kalejira egingo dute 11:00etatik aurrera. 12:30ean alardea eta dantza erakustaldia Orbe Kardinalaren plazan. Ondoren, bazkari herrikoia egingo dute elkarteko kideek eta senideek. Kittu taldearen erromeriak itxiko du egitaraua, arratsaldeko 5etatik aurrera.