Dantza erakustaldia Dantzaren Nazioarteko Eguna ospatzeko

1982an, UNESCOk apirilaren 29a Dantzaren Nazioarteko Eguna izendatu zuen, Dantzaren Nazioarteko Batzordearen ekimenez. Data honen helburua dantza arte unibertsaleko eta askotariko diziplina gisa omentzea da, gorputz adierazpide hau aukeratu duten pertsona guztiak oztopo kultural, politiko eta etikorik gabe bilduz.

Dantzaren Nazioarteko Eguna ospatzeko, bost talde ermuarrek dantza erakustaldia antolatu dute apirilaren 19rako, ostirala. Taupada Dantza Eskolak, Txindurri Dantza Taldeak, Fit Gipsy Dancek, Jubilatuen Etxeko dantza taldeak eta Alba García Akademiak euren mugimendu onenen erakustaldia eskainiko dute musikaren erritmora. Euskal folkloreko dantza tradizionalak, dantza modernoenak, flamenkoa eta kirola izango dira ikusgai, besteak beste. Helburu nagusia herri osoa mugitzea da, dantzaren bidez jai giroa sortzea eta diziplina hori hainbat koreografiaren bidez ikusaraztea.

Ekitaldia 19:00etan hasiko da Orbe Kardinalaren plazan; euria egiten badu, 20:00etan Aritzmendi Frontoian izango da.