Denboraldiko azken Arratsaldean Kontu Kontari saioa

Ermuko Udal liburutegiak Arratsaldean kontu kontari zikloko denboraldiko azken saioa antolatu du larunbat honetarako, apirilaren 22rako.

Apirilaren 23an, igandea, izango den Liburuaren Eguna ospatzeko saio berezia izango da. Ipuinak ahopeka izeneko narrazioa 3 eta 8 urte bitarteko umeei zuzenduta dago, eta kontalaria Sergio de Andrés izango da.

Jarduera 17:30ean hasiko da Lobiano Kultur Gunean, eta sarrera doakoa da. Bertan parte hartu ahal izateko beharrezkoa izango da aldez aurretik tokia erreserbatzea 943 17 92 12 telefonora deituz, WhatsApp bat bidaliz https://wa.me/34943179212 edo e-mail bat biblioteca@udalermua.net helbidera, haurraren izen-abizenak eta adina eta telefono zenbaki bat adieraziz. Azken datu hori dinamizatzaileari emango zaio, edozein gorabehera gertatuz gero familiekin harremanetan jartzeko aukera izan dezan. Plazak inskripzio-hurrenkeraren arabera esleituko dira.

Etenaldiak saihesteko, puntualtasuna eskatzen da.