Ekintzaileentzako ikastaroa: Enpresa-kudeaketa eta proiekturako laguntzak

Ermuko Udalak Ekintzaileentzako Enpresa Kudeaketa ikastaroa berrargitaratu du, Bizkaiko Foru Aldundiko Enplegu, Gizarteratze eta Berdintasun Sailarekin elkarlanean. Ikastaroa 30 ordukoa izango da eta Izarra Centre eraikinean emango da datorren martxoaren 27tik apirilaren 4ra, biak barne, 09:30etatik 14:00etara. Garapen Ekonomikorako Udal Arloak jarduera ekonomiko berriei ekitea babesten du.

Prestakuntza-ekintza honetako ekintzaileek oinarrizko ezagutzak lortuko dituzte enpresa-plan bat eta nahitaezko azterketa ekonomiko-finantzarioa egin ahal izateko. Parte-hartzaileek aholkularitza-orduak ere izango dituzte, banaka zein taldeka.

Prestakuntzaren ondoren, parte-hartzaileek Bizkaiko Foru Aldundiak ematen dituen 5.000 eurorainoko dirulaguntzak jaso ahal izango dituzte, abenduaren 27ko 162/2022 Foru Dekretuak jasotzen duen Autoenplegu programaren esparruan. Dekretu horrek 2023ko ekitaldian ekimen ekintzaileak (autoenplegua, enpresa-transmisioa eta/edo enpresak sendotzea) sustatzeko dirulaguntzak eskatzeko eta haietara biltzeko oinarri arautzaileak ezarri eta deialdiak onartzen ditu.

Bizkaiko Foru Aldundiak norgehiagoka bidezko dirulaguntza ematen du, deialdia arautzen duten oinarrietan jasotako parametroen arabera.

Izen-emateak zabalik

Prestakuntzan parte hartu nahi dutenek Bizkaiko udalerriren batean erroldatuta egon behar dute eta langabezian egon autonomo gisa alta eman aurretik. Ikastaroak gutxienez 8 eta gehienez 20 partaide izan beharko ditu. Parte-hartzaile bakoitzak ordenagailu eramangarri batekin joan behar du prestakuntzara.

Ikastaroan izena emateko inprimakia bete: https://forms.office.com/e/W5Sen7A93m. Plazak inskripzio-ordenaren arabera esleituko dira.

Informazio gehiago nahi izanez gero, idatzi mezu bat pe@udalermua.net postontzira.