Emakumeak protagonista Arratsaldean Kontu Kontariren saio berrian

Ermuko Udal liburutegiak euskarazko ipuin kontaketa saio berria antolatu du martxoaren 8a, Emakumearen Nazioarteko Eguna, ospatzeko programa zabalari amaiera emango diona. Arratsaldean kontu kontari zikloaren barne, Mugitu, mugitu, ez atzean gelditu izenburua du saioak eta 3 eta 8 urte bitarteko haurrei zuzenduta dago.

Birjiñe Albira kontalaria arduratuko da jarduera dinamizatzeaz. Martxoaren 25ean, larunbata, hasiko da, 17:30ean, Lobiano Kultur Gunean.

Sarrera doakoa da, eta bertara joan ahal izateko aldez aurretik erreserba egin behar da 943 17 92 12 telefonora deituz, https://wa.me/34943179212 helbidera WhatsApp bat bidaliz edo biblioteca@udalermua.net helbidera idatziz, haurraren izen-abizenak eta adina eta telefono zenbaki bat adieraziz. Azken datu hori jardueraren arduradunari emango zaio, ekintzak irauten duen bitartean gorabeheraren bat gertatuz gero familiekin harremanetan jartzeko aukera izan dezan.

Plazak inskripzio-hurrenkeraren arabera esleituko dira.

Etenak saihesteko, puntualtasuna eskatzen da.