Enplegu Agentzia modernizatu egin da zerbitzu hobea eskaintzeko

Ermuko Udalak duela hainbat urtetatik eskaintzen du Enplegu Agentzia, lan bila dabiltzan pertsonak eta lanpostu jakin batzuk bete nahi dituzten enpresak elkarren artean konektatzen dituen doako zerbitzua.

Zerbitzu horren helburu nagusia langileei enplegu egokia eskaintzea da, eta, aldi berean, enpresa enplegatzaileei beren beharren araberako pertsona egokiak aurkeztea. Agentziaren bidez kudeatzen diren lan-eskaintzek eremu guztiak hartzen dituzte, baina batez ere industria-sektorean zentratzen dira, eta, jarraian, zerbitzuen sektorean.

Zerbitzu hobea eta egungo beharretara egokiagoa eskaintzeko asmoz, Ermuko Udaleko Enplegu Zentroak tresna modernoagoa, egokituagoa eta osoagoa aukeratu du, bai pertsonentzat, bai Enplegu Agentzia erabiltzen duten enpresentzat. Eskaintzak kudeatzeko tresna hau laster jarriko da martxan eta egungo zerbitzua ordeztuko du. Beraz, Enplegu Agentzian parte hartzen jarraitu nahi duten pertsona guztiek berriro eman beharko dute izena, https://gestionandote.com/es/agencia/udalermua webgunearen bidez.

Plataforma berrian izena emateko bi modu daude:

• Norbere kabuz, Internet bidez, https://gestionandote.com/es/agencia/udalermua/inicio_sesion/1549?inscribirse=True helbidetik
• Enplegu Zentroaren laguntzarekin, aurrez aurre, Konbentukoa kaleko 5. zenbakiko bulegoan edo telefono bidez, 943 17 91 51 zenbakian

Garrantzitsua da datu pertsonalen, prestakuntzaren eta esperientziaren atal guztiak osatzea, eta bereziki interesen atala, non lan egin nahi den lanbideak zehaztu daitezkeen. Garrantzitsua da, halaber, eskaria beti eguneratuta egotea; horretarako, erabiltzaile bakoitzak bere lan-bizitzan gertatzen diren aldaketa guztiak sartu beharko ditu.

Edozein zalantza argitzeko, interesatuek Ermuko Udaleko Enplegu Zentrora jo dezakete.

Lan eskaintzak kudeatu nahi dituzten enpresak Enplegu Agentziarekin harremanetan jar daitezke agenciacolocacion@udalermua.net helbidean.

Zerbitzu hau Ermuko Udalak komunitatearen garapen iraunkorra bultzatzeko eta bizi-kalitate maila egokia mantentzeko duen konpromisoaren adibide da.