'Ermua, Hiri Lagunkoia’ taldeak eta LHko ikasleek espazio publikoetako bizikidetzari buruzko gogoeta egin dute

‘Ermua, Adinekoekin Hiri Lagunkoia’ proiektuaren talde sustatzaileak joan den asteazkenean itxi zituen ikasturte honetan herriko Lehen Hezkuntzako ikastetxeetan egin dituen belaunaldien arteko tailerrak.

Tailer horiek 2024ko ekitaldiaren amaieran taldeak egin zuen hausnarketaren emaitza dira. Bertan, herriko hainbat espazio publikotan elkarrekin bizitzen ikasteko beharra agerian geratu baitzen. Horren ondorioz, belaunaldien arteko tailer bat aktibatzeko proposamena sortu zen, jolas eta aisialdirako espazio komunetan, hala nola plazetan, parkeetan eta abarretan, egunerokoan gertatzen diren portaeren eta ekintzak elkarrekin partekatzearen inguruan hausnartu ahal izateko.

Tailer horiek gizarte eta hezkuntza arloko eta psikosozialeko esku-hartze zerbitzuak eta Ermua Lagunkoia proiektuko udal teknikariek gidatu dituzte.

Adineko pertsonek Lehen Hezkuntzako 3. mailako ikasleekin partekatu dituzte herriko hainbat gunetan izaten diren egoera errealak. Horretarako, Google Earth bezalako tresnak erabili dira. Zenbait arrisku eta/edo gatazka saihesteko dauden aukerei buruzko hausnarketa partekatu dute taldeek.

Belaunaldien arteko sentsibilizazio-jarduera, maila teorikotik praktikora igarotzea espero dena eta etorkizun hurbilean fruituak emango dituena.