Ermua Hiriko XXX. Literatur Lehiaketak lan irabazleak aurkeztu ditu

Ermuko Udal liburutegiak XXX. Ermua Hiria Literatur Lehiaketaren irabazleen berri eman du. Aurtengo edizioaren oinarriek narratiba lanen gai nagusia umorea izan behar dela jasotzen dute, eta epaimahaiak gaztelaniazko saria Rocío Díaz Gómez madrildarrari eman dio Despedida y cierre para un amañable cadáver kontakizunagatik.

Euskarazko narrazio modalitatearen kasuan, saria eman gabe geratu da.

Gaztelaniazko poesiaren modalitatean, Elena Olivella García Bartzelonako bizilagunak jaso du saria Inventiva konposizioagatik. Euskaraz, epaimahaiak Amaia Trejo Aldekoa durangarrari eman dio saria, Uneoro hasten delako poemagatik.

Lehiaketaren irabazle bakoitzak 500 euroko saria jasoko du eskudirutan.

Saritutako hiru lanak lehiaketaren orrialdean irakurri ahal izango dira

372 lan bi hizkuntzatan

Ermua Hiria lehiaketaren XXX. edizio honetan 372 obra aurkeztu dira:

• Narratiba
  • Gazteleraz: 185 obra, 43 emakumek eta 145 gizonek idatziak
  • Euskaraz: 7 lan, 4 emakumek eta 3 gizonek idatzita
• Poesia:
  • Gazteleraz: 168 obra, 48 emakumek eta 120 gizonek idatziak
  • Euskaraz: 12 lan, 6 emakumek eta 6 gizonek idatzita

Gaztelaniazko narratiba lanen epaimahaia Slawomira Grabowska Ermuko Udal liburutegiak antolatutako ingelesezko eta gaztelaniazko irakurketa kluben dinamizatzaileak, Candido Pascual liburutegiko bazkideak, eta Markel Uranga liburutegiko langileak osatu dute.

Gaztelaniazko poemen epaimahaia Maite Lorenzo aktore eta poesia tailerreko dinamizatzaileak, Candido Pascual liburutegiko bazkideak eta Isabel Gonzalez liburutegiko langileak osatu dute.

Epaimahaia Fernando Aranberri Ermuko Udaleko Euskara teknikariak, Kepa Antxia eta Amaia Rementeria IES Ermua BHIko irakasleek eta Sara Gago udal liburuzainak osatu dute.