Ezagutzak askeago egingo gaitu

Berdintasun sailak aurtengo lehen seihilekoan Ermuko Emakumearen Topaguneak eskainiko duen Jabekuntza Eskolaren egitaraua eta jarduerak ezagutarazi berri ditu. Programazio zabala da, eta parte-hartzaileak hazten eta aberasten laguntzea du helburu, askotariko prestakuntza-tailer, hitzaldi eta jardueren proposamenekin baitakartza. Programazioa emakumeen ahalduntzea maila pertsonalean, sozialean eta politikoan gaitzeko eta trebatzeko; denboran luzean mantenduriko konpromisoaren adibide.

Urtearen lehen erdi honetarako, Berdintasunak programazio erakargarri eta oso bat prestatu du, hainbat gai jorratuko dituena, hala nola "irrintzien" jatorria, emakume zientzialarien lana aitortu eta hedatuko duena, autodefentsa, garapen pertsonala eta meditazioa, autozaintza, arroparen sorkuntza eta birziklapena, argazkigintza artistikoa mugikorrarekin, zer den eta nola egin behar den aurretiazko borondateen agiria, gorputzaren eta desioaren arteko lotura bizitzan zehar, boxeoa ahalduntzeko tresna gisa, artea, ondarea, gorputzaren eta emozioen lotura edo adimen artifizialeko tresnak eguneroko zereginetan, besteak beste.

Laburbilduz, urtarriletik maiatzera bitartean gauzatuko diren hemezortzi jarduera biltzen ditu, doakoak kasu batzuetan edo 5 euroko inskripzio-kuotarekin, ekonomia guztientzat eskuragarri. Gaikako tailer ugariez gain, "Martxoaren 8ko" kartel lehiaketa, horretara aurkeztutako lanen erakusketa edo mitologia genero ikuspegiz jorratzen duen bidaia kulturala ere jasotzen ditu, Nafarroako Arellano eta Lizarra herrietara.

Udal honek parte hartzera eta aukera paregabeaz baliatzera animatzen ditu Ermuko emakume guztiak, betiere genero ikuspegitik eta emakumeen ahalduntzea ardatz izanik, gai sorta zabala lantzea ahalbidetuko baitie.
Berrikuntza gisa, eta ermuar gazteenen partaidetza eta ahalduntze feminista bultzatzeko, Eskolak boxeo tailer bat eskainiko du 13 urtetik gorako emakumeentzat.

Jarduera guztietarako izen-emateak urtarrilaren 27tik aurrera egin ahal izango dira, Emakumearen Topagunean, goizeko 9: 00etatik 13:00etara eta arratsaldeko 16:30etatik 19:30etara bitarteko ordutegian. Programak honako hauen berri ere ematen du: harrera- eta aholkularitza-zerbitzua; genero-indarkeriaren biktimentzako laguntzen eta baliabideen kudeaketa; arreta, aholkularitza juridikoa eta psikologikoa, banakakoa zein taldekoa. Bazterketa-, prestakuntza- eta enplegu-arriskuan dauden emakumeentzako baliabideen azterketa eta kudeaketa, Etxeko Zerbitzuaren Legeari buruzko aholkularitza. Aurretiko hitzordua eta kontsultak 943 17 10 30 telefonoan eta igualdad@udalermua.net postontzi elektronikoan.

Kontsultatu programazioa lerro hauen azpian dugun agiriak (dokumentoak) atalean.