Garapen Jasangarriko Helburuak ezagutarazten dituen ‘Escape Room’ Ermura etorriko

BBK Kunaren Garapen Jasangarrirako Helburuak ezagutarazten duen ekimen mugikorra -irten edo ihes egiteko aretoa edo ‘Escape room’ urrian izango dugu Ermuan. Bizkaia osoan zehar dabilen doako jarduera da, adin guztietako herritarren artean Garapen Iraunkorreko Helburuak zabaltzea helburua duena, modu "ludiko eta dibertigarrian". Parte-hartzaileak "Iraunkortasunaren aldeko Scoutak" izango dira, eta haien helburua GJHko intsignia guztiak biltzea izango da. Horretarako, elkarlanean, logika- eta adimen-proba desberdinak gainditu beharko dituzte. 12 eta 99 urte bitarteko pertsonek parte hartu ahal izango dute. 12 urtetik beherakoek lagunduta joan beharko dute.

‘Escape Room’ak zazpi (7) proba dibertigarri ditu, eta, horien bidez, parte-hartzaileek 2030 Agendaren eta Garapen Iraunkorreko Helburuen edukiak ikasiko dituzte, modu deigarri eta berritzailean. Helburuak lortzeko eta probak gainditzeko gai direnek ohorezko sari bat jasoko dute esperientzian parte hartu izanaren oroigarri gisa.

Parte-hartzaileek jokoaren begirale edo maisuen (‘game masters’ deritzanen) laguntza izango dute. Horiek, beharrezko informazioa eta jarraibideak emateaz gain, planteatutako erronkak gainditzeko pistak eman eta lagunduko dizkiete.

Murgiltze esperientzia bat da, ordubete irauten duena eta aldez aurretik izena ematea eskatzen duena. Horretarako, postontzira mezu elektroniko bat idatzi behar da: kultura@udalermua.net. Mezu horretan, interesdunen datuak adierazi behar dira (izena, abizenak, adina, helbide elektronikoa eta harremanetarako telefonoa). Izena emateko mezuak jasotzeko hurrenkeraren arabera esleituko dira plazak. Jardueraren astean izena eman duten pertsonek posta elektroniko bat jasoko dute izena eman dutela baieztatzeko eta zein ordutan parte hartu behar duten jakinarazteko. Ostiral goiza herriko ikastetxeetako ikasle taldeentzat izango da, batez ere.