Hamabi proposamen lehiatuko dira Kazolatxoen XIII. Lehiaketan

Lobiano Elkarte Gastronomikoak bertako kazolatxoen hamahirugarren lehiaketa antolatu du. Herriko hamabi establezimenduk parte hartuko dute lehiaketa honetan, gure ahosabaien gozamenerako beste hainbeste proposamenekin. Jarduera datorren astelehenean, martxoak 17, hasiko da, eta aste osoan dastatu ahal izango ditugu espezialitateak, igandera arte, hilak 23.

Kazolatxoak establezimendu bakoitzaren ohiko ordutegian dastatu ahal izango dira, prezio finkoan eta bi euro eta hogeita hamar zentimo (2,30 €) unitateko, parte hartzen duten ostalaritzako establezimendu guztietan.

Parte hartuko duten establezimenduak eta aurkeztuko dituzten proposamenak honako hauek dira:

"Lobiano Elkartea" hogeita bosgarren urteurrena ospatzen ari da, aurten zilarrezko ezteiak betetzen baititu; 25 urtez, ondo jan eta edatearen kulturari buruzko jarduera eta esperientzia dibertigarriak, dibulgatzaileak eta aberasgarriak sustatu ondoren. Kazolatxoen lehiaketaren aurretik, aste honetan, Nafarroako patxaranari buruzko hitzaldi bat izan da, dastaketa eta guzti. Eta afari-dastatze bat "Jakitea" sukaldari elkartearekin.

Ermuko Udala, Laboral Kutxa, Marqués de Vitoria upategia, Euskitze Likor & Ardoak eta Martinez Zabala Familia elkarlanean arituko dira lehiaketa honetan, eta bi sari banatuko dira: kazuelita onenari eta kazuelita tradizional onenari, KM0 irizpideei lotua. Bi saridunek 100 euro dirutan eta diploma bana jasoko dute. Epaimahai profesionala establezimendu guztietatik pasatuko da ostegunean.