Hartza eta oilarra protagonista Inauterietako kartelean

Ermuan badugu jada kartel ofiziala aurtengoko Inauterietarako. Udal kultura sailak antolatutako lehiaketaren irabazlea hautatu eta ezagutzera eman da gaurkoan. aukeratutako proposamena. Lehiaketa irabazi duen lanak "Ermuko hartza eta oilarra" du izenburu eta Anabel Mayor Marrero kanriarraren lana da. Egileak lehiaketaren sariaren 500 euroak jasoko ditu, eta ilustrazioa izango da gure herrian 2023ko inauteriak iragarriko dituen irudia. Otsailaren 16tik 21era bitartean egingo ditugun jarduerak ezagutzera emateko argitaratzen diren kartelak eta programak ilustratuko ditu.

Artistak diseinaturiko kartelean hartza eta horren lepo gainean luma koloretsuak dituen oilarra agertzen dira, kolore moreko fondoan, serpentina artean. Horren goiko aldean "2023ko Inauteriak" irakur daiteke letra zuriz idatzita.

Aurtengo kartel lehiaketara hirurehun eta bost (305) proposamen aurkeztu dira.