Hautesle erroldaren herenak bozkatu du ordu 2ak baino lehenago

Portzentajea duela lau urtekoarekin alderatuta baxuagoa da orduan %37,21 -4.710 herritar- bozka eman baitzuten, nahiz eta kontutan hartu behar den gaurko hautesleen errolda ere, orduan baino txikiagoa dela.

Orain lau urte, Ermuan botoa eman zezaketen hamazortzi urtetik gorako ermuarrek 12.658 pertsona ziren eta gaur aukera hori izango dugu 12.409 biztanlek, hau da orduan baino 249 pertsona gutxiago. Gorabehera horren arrazoia bizitzeko herria aldatu izana edo heriotza izan daitekeelarik.

Normaltasuna da nagusi gaur Ermuan, hauteskunde egun honetan. Arratsaldeko ordu 2ak arte hautesleen gutxi gorabehera herena pasatxok bozkatu du gure herrian.

Ezer gutxi dago aipatzeko, goiza eta eguerdia normaltasunean igaro baititugu udalerrian.

Udaletxeko Abiapuntu bulegoa zabalik dago kontsultetarako

Hauteskunde kolegioetan azkeneko prozesutik hona aldaketarik egin ez izanak asko lagundu die hautesleei. Hori, igarri izan dugu udalak gaurko egunean zabalik duen Abiapuntu bulegoan, bertatik biztanle gutxi pasa baita. Dena den, betiko moduan bat edo beste ibili izan da despistatuta eta bere hauteskunde-kolegio eta mahaiaren bila.

Hauteskunde-mahaietako presidenteek posta bidez aldez aurretik bozkatu dutenen botoak jaso dituzte goizean zehar, postetxeko langileen eskutik.