Komiki-irakurketa klubeko hurrengo saioan parte hartuko du Victor Santosek

Maiatzaren 5eko asteartean, liburutegiak antolatu eta Kike Infamek moderatutako helduentzako komiki-irakurketa klubaren denboraldiari amaiera emango zaio. Asteartean azken saioa egingo da eta bertan izango da, saioan komentatuko den "Fahrenheit 451" tituluko komikigilea, Victor Santos, saio berezian. 

Bere jaioterrian, Valentzian, fanzineetan argitaratzen hasi eta 2002an Bartzelonako Nazioarteko Komiki Azokako Egile Errebelazio Saria jaso ondoren, Santosek fantasia eta genero beltza uztartzen dituen unibertso narratibo zabala sortu du. Bere lan ezagunenen artean "Polar" eta "Los Reyes Elfos" seriea daude.

"Fahrenheit 451" lanean, Ray Bradburyren zientzia-fikziozko eleberriaren komikirako egokitzapena egiten du. Bertan, hedabideek eta konformismoak esklabo bihurtutako zibilizazioa islatzen du bere marrazkiarekin.

Irakurketa klubaren saiorako sarrera librea izango da, beraz, komikizale guztiei gonbidapena luzatzen zaie.