Udal Liburutegiak María Moliner 2026 saria jaso du irakurzaletasuna sustatzeko egindako lanagatik

Udal Liburutegiak María Moliner 2026 sarietako bat jaso du, Kultura Ministerioak antolatutako irakurzaletasuna sustatzeko XXVI. kanpainaren baitan. «Cuando la biblioteca acompaña no estás sola» izenburuarekin aurkeztutako hautagaitzak liburuak eta irakurketa herritarrengana hurbiltzeko eta kulturarako sarbidea errazteko liburutegiak eskaintzen dituen zerbitzu eta baliabideak biltzen ditu.

Deialdi honen helburua adin guztietako pertsonen artean irakurzaletasuna sustatzea da, irakurtzeko aukera gutxien dituzten pertsonei arreta berezia eskainiz. Sarien bidez, udal-liburutegi publikoek irakurzaletasuna sustatzeko eta kulturarako sarbidean aukera-berdintasuna bultzatzeko egiten duten lana aitortzen da. Era berean, liburuekin topatzea erraztuko duten eta irakurketa berriak ezagutzeko aukera emango duten espazio publikoak izatearen garrantzia nabarmentzen dute.

2026ko edizioan, guztira 370 sari banatu dituzte Espainiako udal-liburutegi publikoen artean. Saritutako liburutegiek diru-saria jasoko dute liburu-bildumak aberasteko eta herritarren eskura dauden irakurgaiak ugaritzeko.

Gure liburutegiak 2.777,77 euroko diru-saria jasoko du. Zenbateko hori liburuak eta aldizkako argitalpenak erosteko erabiliko da osorik, edozein euskarritan. Erositako material berria liburutegiko bildumara gehituko da, eta erabiltzaileen eskura jarriko da.

Sari honek Udal Liburutegiak egiten duen lana aitortzeaz gain, bilduma aberasten jarraitzeko eta herritarren artean irakurzaletasuna sustatzeko aukera ere ematen du.