Liburuaren hilabete honetan programazio berezie izango du Liburutegiak

1967tik, apirilaren 2an, Hans Christian Andersen daniar idazlearen jaiotzarekin bat egiten duen egunean, Haur Liburuaren Nazioarteko Eguna ospatzen da. Ekitaldi hori IBBYk (The International Board on Books for Young People) sustatzen du, haur eta gazteentzako liburu onak eta gazteen artean irakurzaletasuna sustatzeko.

Apirilaren 23an, bestalde, Liburuaren eta Egile Eskubidearen Munduko Eguna ospatzen da. 1995ean UNESCOk data sinboliko hori aukeratu zuen, William Shakespeare, Miguel de Cervantes eta Inca Garcilaso de la Vegaren heriotzarekin bat zetorrelako.

Hori dela eta, apirila ere berezia izango da udal liburutegian, Apirilean liburu aunitz – Apirilean mila liburu. Gida hori liburutegiko bazkideek egindako ekarpenekin egin da. Halaber, liburutegiak antolatuta, irakurketa-klubei buruzko sei saio egingo dira: gaztelaniaz, euskaraz, ingelesez, frantsesez, komikigintzan, adimen emozionalean, Liburu Baby Kluba, Irakurtzen eta Ikasten, Liburu Txiki Kluba eta Liburu bat mundu bat irakurketa-taldeen lau saio, gazte-kluben bi saio, paperean eta digitalean, eta poesia-tailerraren eta sormen-idazketaren tailerraren saio bana.

Haurrentzako bi ipuin kontaketa saio ere izango dira: Arratsaldean kontu kontari (euskaraz) eta Story Time (ingelesez).

Liburutegiak antolatuta, herriko Lehen Hezkuntzako ikastetxeetan bederatzi literatur topaketa egingo dira Maribel Aiertza idazlearekin eta Antton Kazabon, Iñaki Zubeldia eta Txabi Arnal ermuarrarekin.

Gainera, zabalik dago Ermua Hiria XXIX. Literatur Lehiaketan eta haur eta gazteentzako IV. Komiki Lehiaketan parte hartzeko epea.

Egun horretan bertan, Ermua Antzokian zine klubaren saioa liburuaren munduari eskainiko zaio, ‘A los libros y a las mujeres canto’.

Apirila amaitzearekin batera, komikiari eta nobela grafikoari eskainitako hiruhilekoa ere amaituko da, eta hilean zehar egileak eskainitako komiki bat maileguan hartu duten pertsona guztien artean egingo da zozketa.

Adin eta gustu guztietako irakurleentzako programa zabala.