Imagen
Lobianok Gastronomia Jardunaldien egitaraua berritu eta zabaldu du
29.05.23
Gizartea
Bi dira nobedade nagusiak: bi afari izango dira, bata fusiokoa eta bestea uztartzekoa, Michelin izarra duen chef baten afari bakarraren ordez. Pintxoen ibilbide batek ordezkatuko du orain arteko lehiaketa
Lobiano Gastronomia Elkarteak gure herriko Gastronomia Jardunaldien kartela eta hogeita hirugarren edizioaren datak aurkeztu berri ditu. Edizio honek proposamen berriak dakartza jardunaldiak erakargarriago egiteko, parte-hartzea handitzeko eta sektorearen egungo joerak hurbiltzeko. Ekainaren 7tik 22ra egingo dira.
Ekainaren 7an, 20:45ean, Euskadi-Asia fusio-afaria izango da Urkaregi jatetxean, Hego Amerikako ukituren batekin. Afaria Durangoko ‘Iruko', by Sushi Gallery jatetxeko sukaldaritza taldeak egingo du. Sukaldaritza desberdina aurkeztuko dute, etengabeko hobekuntzan eta zapore ezohikoen bilaketa sortzailean oinarrituta. Sentipen-jokoa eta esperientzia dibertigarria, sasoiko produktuak, tokikoak eta asiarrak bat egitean oinarritua. Bierzo jatorri-deiturako ardoak edango dira. Izen-emateak hasi dira eta plazak mugatuak dira.
Ekainaren 8an Vermuta hizpide izango izango da, Haroko Martínez Lacuesta upategiko aditu batek komentatutako dastaketarekin. Lobianon, 19:00etan.
Ekainaren 12tik 16ra bitartean zazpi tabernatatik pintxo ibilbidea izango dugu. Ekainaren 13an bigarren hitzaldi bat izango da Aove-ri buruz, APRORA Elkarteko -Arabako Errioxako ekoizleen elkarteko- presidentearekin. Lobianon, 19:00etan.
Ekainaren 17an, larunbatean, bakailao lehiaketa izango da plazan. Azkenik, 22an bigarren afari bat izango dugu, Maskarada jatetxeko taldearen eskutik. Ardoa Gonzalo Celayetarena izango da. Urkaregin, 20:45etatik aurrera.
Inicio