‘Semaforoa’ obraren antzezpena Antzokian

‘Logela multimedia’ konpainia bilbotarrak ‘Semaforoa’ tituluko haurrentzako ikuskizuna aurkeztuko du datorren larunbatean, Ermua Antzokian 17:00etan. ‘Semaforoa’ ikusteko, entzuteko eta sentitzeko esperientzia da! Sarrerak 4 euro balio du eta aldez aurretik eros dezakegu Lobiano Kulturgunean, online Kutxabanken webgunean eta kutxazain-sarean; edo txarteldegian emanaldia hasi aurretik. Emanaldia euskaraz izango da eta egokia da 5 urte edo gehiagoko umeentzat.

‘Logela Multimedia’ taldearen lana da, Sonia Villamorrek zuzendua, aktoreak Eneritz Garciak eta Unai Elizalde dira. Argiz eta musikaz betetako ekoizpena, bideoa eta animazioa sorpresekin uztartzen dituena; antzezpenean semaforoek bizitza propioa dute eta emozioak aktibatu egiten dira. Jolasaren eta parte-hartzearen bidez, haurrek mundu dibertigarri eta magikoa ezagutuko dute, bere irudimenaren erritmoan dir-dir, soinu eta taupada egiten duena.

Sinopsia

Enekok ez die kasurik egiten semaforoei... Dena berehala nahi du, une batez ere itxaron gabe. Egun batean, gorriz gurutzatzen da eta susto handia du; gertakizun horrek gurutzatzeko duen modua birplanteatzera eramango zaitu...