Lomi Power aparkalekuan behin behineko esleipendun izan direnen zerrenda

Udal Hirigintza sailak Lomi Powerren dauden 42 aparkalekuen esleipendunen behin-behineko zerrenda argitaratu du. Zerrenda astearte honetan Lomi Power aparkaleku estali berrian abonatu erregimeneko autoentzat egindako zozketa publikoaren emaitza da. Udaletxeko osoko bilkuren aretoan egindako zozketa publiko horretan izena eman zuten edo interesa zuten hogei bat pertsonak parte hartu zuten.

Eskatutako baldintzak betetzen zituzten 113 pertsonak beren ibilgailuentzako plaza bat lortzeko aukera zuten. Eskatutako hiru baldintzak honako hauek ziren: garaje-plazaren xede den ibilgailuaren gidabaimena eta zirkulazio-baimena indarrean izatea, eta Ermuan erroldatuta egotea.

• Zozketako plazen eta esleipendunen behin-behineko zerrenda

Lomi Powerreko aparkalekuak motorrentzako 15 plaza ere baditu, eta bi eskaera baino ez dira aurkeztu; mugikortasun urriko pertsonentzako beste plaza bat, berriz, aurkeztu den pertsona bakarrari esleituko zaio.

Zozketan saridunek aparkaleku bat izango dute hilean 60 euroren truke autoen kasuan, edo 20 euro hilean moto bat izanez gero. Prezio horiek urtero eguneratuko dira osoko bilkurak gainerako prezio publikoekin eta tasekin batera hartutako erabakiaren bidez.

Asteartean esleitutako plazez gain, Lomi Powerreko aparkalekuak txandakako aparkalekuko beste 42 plaza izango ditu, eta bi plaza gehiago mugikortasun murriztua duten pertsonentzat, beren erabilera-tarifekin.