Diputazio kaleko irisgarritasuna eta oinezkoen segurtasuna hobetzeko lanak urriaren 19an, astelehenean, hasiko dira

Jarduketaren bidez, tabernaren pareko espaloia zabalduko da, eta gaur egun dauden oinezkoentzako bi pasabideak bateratu eta altzatu egingo dira, espaloiaren maila berean geratu daitezen. Lanek gutxi gorabehera 2 asteko iraupena izango dute eta oinezkoen ibilbide jarraituagoa eta irisgarriagoa sortzea dute helburu.

Konfigurazio berriari esker, oinezkoen joan-etorriak erraztuko dira, ibilgailuen abiadura murrizten lagunduko da eta errepidea zeharkatzen duten pertsonen segurtasuna hobetuko da.

Obrek eragingo dituzten eragozpenak

Printzipioz, ez da aurreikusten obrek eragozpen handirik sortzea. Hala ere, inguruko aparkaleku batzuk erreserbatu beharko dira, behar bezala seinaleztatuta egongo direnak.

Lanek iraun bitartean zirkulazioan eragin dezakeen aldaketaren bat egin behar bada, Udalak herritarrei horren berri emango die aldez aurretik.