Model_IA poroiektuak produktibitate eta sormen ataleko aplikazio praktikoak erakutsi ditu

Izarra Centrek berrogei ikasle gazte inguru hartu zituen ostiralean Model_IA proiektuaren baitan, Adimen Artifiziala (IA) hainbat esparrutan sortzen ari den aukera eta metodologia berriak erakusteko tailer praktikoan. Saioak 'IA sortzailearekin produktibitatea bultzatzen' izenburua zuen. Tech Friendly enpresak eta bere Teknologia eta Marketin sailetako langileek IA sormenean edo produktibitatean garatzeko erabiltzen duten hainbat aplikazio zehatzen prestakuntza praktikoa eman zuten.

Jardunaldiaren programari hjarraiki, Izarra Fundazioak ongietorria eman zien bertaratutakoei, jardunaldiaren helburuak aurkeztu zituen eta Model _IA proiektuaren helburua labur-labur azaldu zuen. Lehen zatia azalpenezkoa izan zen, eta ordu erdian IA sortzailea zer den eta horrek enpresa-produktibitatean eta -sormenean duen eraginari buruzko teoria jorratu ziren. Jarraian, jarduera fisikoaren edo kirolaren aplikazioetan, musikan eta diseinuan arrakasta izan duten hainbat kasu aurkeztu ziren. Horren ondoren, talde-dinamika bat gidatu zuten beren proiektuetan edo interesetan IAren inguruan dituzten itxaropen pertsonalei buruz.

Hurrengo ordu erdian, domeinu bakoitzeko aplikazioen mapa eta funtsezko aurkikuntzak aztertu zituzten aurkezpen interaktibo batean. Horrela, domeinu bakoitzeko aplikazioen mapa zehatz-mehatz aztertu zen, eta IArekin eta haren onurekin lotutako aurkikuntzak eztabaidatu ziren. Atal aktiboan bertan zeudenen negozio edo proiektuetako beharrak eta aukerak identifikatu zituzten.

Atal praktikoenean, tailer bat egin zuen IA sortzaileko laguntzaile birtual batekin. Haren aukerak eta erabilerak erakutsi ziren; tresna egokiak identifikatzeko Fundazioaren laguntzailea erabili eta erakutsi zen; eta, horrez gain, Canvasekin negozio-eredu interaktibo bat sortu zen. Eta azken ordu erdian, itxiera baino lehen, Photoshop-en Adimen Artifizialeko tresna aurreratua erakutsi zen. Gainera, tresna horiek enpresan integratzeari eta egokitzeari buruz eztabaida partekatu zuten.

Izarra Centre Fundazioaren eta gure udalaren Model_IA proiektuak Bizkaiko Foru Aldundiko Enplegu, Gizarteratze eta Berdintasun Sailaren laguntza du.