STEAM Euskadi 2022 zigilua jaso dute hiru udal-ekimenek

Aipaturiko jarduera eta tailer horiek zigilua jaso dute deialdiaren hirugarren edizioan, Garapen Ekonomikoaren arloak hirugarren atalean erakunde sozioekonomikoek sustatutako STEAMen hezkuntza-ekimenetarako deialdira aurkeztu ondoren.

STEAM Euskadi Sarien 3. edizioko ebaluazio-taldeak, Hezkuntza Saileko Berritzeguneetako, Tknikako, Deustuko Unibertsitateko, EHUko eta Innobasque Berrikuntzaren Euskal Agentziako ordezkariek osatutakoak, aurkeztutako 126 hautagaitzak baloratu ditu, memorietan eskatzen ziren irizpideetan oinarrituta.

Prozesu hori amaitu eta balorazio positiboa egin ondoren, adierazi du deskribatutako udal-ekimenek STEAM Euskadi ZIGILUA lortzeko eskatutako baldintzak gainditu dituztela. Eta bereizgarri hori esleitu zaigula.

Aitorpen hau STEAM hezkuntza proiektuak garatzen dituzten erakundeei zuzenduta dago bereziki (zientzia/science, teknologia/technology, ingeniaritza/engineering, arte/art eta matematika/maths ingelesezko akronimoa). Eusko Jaurlaritzako Hezkuntza Sailak ematen du, Innobasque Berrikuntzaren Euskal Agentziarekin lankidetzan, STEAM hezkuntza sustatzeko aitorpen horren deialdiren kudeatzaileak.

STEAM Euskadi Sariak Eusko Jaurlaritzak bultzatzen duen STEAM Euskadi Estrategiaren parte dira.

Hemendik aurrera, gure udalak STEAM Euskadi zigilua erabili ahal izango du arlo honetan antolatzen dituen komunikazio edo zabalkunde jardueretan nahiz horien agirietan.