"Story Time" ingelesezko ipuin kontaketa saioa larunbat honetan
Ermuko Udal liburutegiak Story Time ingelesezko ipuin kontaketa zikloko saio berria antolatu du larunbat honetarako, martxoak 2.
Narrazioaren izenburua They All Lived Happily Ever After da, eta 4 eta 9 urte bitarteko haurrei zuzenduta dago bereziki. Annie Funny ipuin kontalaria arduratuko da saioa dinamizatzeaz.
Story Time ipuin kontaketa saioen helburua irakurzaletasuna ahozko tradizioaren bidez sustatzea da, baita ingelesa modu ludiko batean ikastea ere.
Jarduera doakoa da, eta 17:30ean hasiko da Lobiano Kultur Gunean. Parte hartzeko aldez aurretik tokia erreserbatu beharko da 943 17 92 12 telefonora deituz, WhatsApp bat bidaliz https://wa.me/34943179212 helbidera edo biblioteca@udalermua.net helbidera idatziz, haurraren izen-abizenak eta adina eta harremanetarako telefono bat adieraziz. Azken datu hori jardueraren arduradunari emango zaio, saioan zehar gorabeheraren bat gertatuz gero familiekin harremanetan jartzeko aukera izan dezan.
Plazak inskripzio-hurrenkeraren arabera esleituko dira. Etenaldiak saihesteko, puntualtasuna eskatzen da.
Lotutako albisteak
Saioa euskaraz izango da eta 17:30ean hasiko
Liburutegiak ospatzeko saio berezi bat antolatu du irakurketa tematikoko klub horretan
Liburutegiak antolatuta 2016 eta 2018 urteen artean jaiotako adingabeentzat