Taupada dantza eskolako taldeen erakustaldiak

Taupada Dantza Eskola-Estudioak eta bere ikasleek bi emanaldi eskainiko dituzte ostiral honetan Ermua Antzokian. "Taupa dance" tituluko erakustaldiak bi izango dira: lehena, haur eta gazteena, 19:30ean, eta, bigarrena, adinez nagusiak diren taldeena, 21:30ean. Bietan, dantzari taldeek denboraldian zehar prestatu dituzten konposizio eta koreografiak taularatuko dituzte.

Sarrera librea eta doakoa da, lekua bete arte.

Dantza atsegin baduzu, edozein modalitatetan -garaikidea, modernoa, hiritarra, komertziala edo jazza-, zatoz musikaz, erritmoaz eta mugimendu koordinatuez gozatzera. Dantzan dena landuta dago: pausoak, gorputzaren jarrera eta koordinazioa esaterako, konposizio plastikoa eta estetikoa lortzeko xedez. Zatoz eta gozatu!