Yllanak 'Passport' aurkeztuko du Antzokian; barrea hizkuntza unibertsala dela erakutsiz

‘Yllana’ antzerki taldeak ‘Passport’ antzezlana aurkeztuko du ostiralean Ermua Antzokian, 20:30etatik aurrera. Sarrerak 12 euro balio du eta aldez aurretik eros ditzakegu Lobiano Kulturgunean, Kutxabanken eta zerbitzu anitzeko kutxazain-sarean edo leihatilan, emanaldia hasi baino lehen.

Yllanak bere bizitzaren zati handi bat darama munduan zehar bidaiatzen, eta bidaia horietan guztietan, ikuskizun honetan bizitako hamaika pasadizo oso dibertigarri bildu dituzte. Passport Komedistan izeneko herrialde batean biran dabiltzan 4 komikoren istorioa da.

Atzerriko herrialdean sartzeko arazoak Aduanan; hizkuntza ezezagunarekin arazoak jatetxe batean; zorigaiztoko hotelean ostatu hartzea eta funtzio baten aurretik eta ondoren atzerrian lan egitearen esperientziako pasadizoak laburbiltzen dituzte.

Passport mugak zeharkatzen dituzten artisten bizitzari egindako omenaldia da, mundu osoan barrea partekatzeko asmoz.
Hitzik gabeko komikotasun zorabiagarria publiko guztientzat!