Zaldibarko zabortegiari buruz erakundeak duen jarrera jakinarazi du Alkatea
![La imagen muestra el lugar en el segundo aniversario](/sites/default/files/styles/escalar_a_ancho_1366px/public/repositorio-imagenes/Interior_texto_3.jpg?itok=zNJj8p0Z)
Ermuko alkateak idatzi bat zabaldu du gaur Zaldibarko zabortegiaren egoerari buruz herriko udalak duen jarrera jakinarazteko. Agiri horretan, agintaritza eskudunari eskatzen dio “berehala jardun dezala behar diren berme guztiekin, labirinto judizialean galdu gabe”. Hau da, segurtasunari eta osasunari lehentasuna emanez, irekitako prozesu judizialek beren bidea jarraitzea, azkenean dagokien erantzukizunak ebazteko.
Agiriak hitzez-hitz ondorengo hau dio:
"Zaldibarko zabortegiaren egungo egoerari buruz hedabideen jakinmina eta horren inguruan argitaratutako azken berrien harira, honako hau adierazi nahi dut:
Joan den ostiralean, Eusko Jaurlaritzako Ingurumen Sailekoekin hitz egin nuela eta zuzeneko informazioa eskatu niela, elarrizketa horren berri eman nielarik udalerriko alderdi politikoei, egunean bertan egindako Bozeramaileen Batzorde batean.
Udalerriko bizilagunen interesak babesteko egiten ohi dudan lanean, herritar garen guztion segurtasuna eta osasuna garrantzitsuena dela sinetsita, hedabideetan argitaratutako albisteekiko nire kezka azaltzen dut. Era berean, adituek Zaldibarko zabortegian arriskurik txikiena dagoela ikusi eta ebatzi badute, Ermuko udalaren izenean aginte eskudunari honakoa eskatzen diot: ahalik eta azkarren jardun dezala eta une oro jakinaren gainean mantendu gaitzala; baita ere zer urrats edo neurri zuzentzaile hartuko dituzten egoerari konponbidea emateko eta arriskua saihesteko.
Udal honek agintaritza eskudunari eskatzen dio berehala jarduteko, behar diren legezko berme guztiekin, labirinto judizialean galdu gabe.
Halaber, jarduteko erantzukizuna norena den berehala argitzeko eta jarduera-plan bat lehenbailehen aurkezteko eskatzen dugu.
Ermuan, 2023ko ekainaren 21ean. Juan Carlos Abascal Candas, alkate".