Zubiurre eta Zerukoa kaleak lotuko dituen igogailua azaroan izango da prest

Zubiurre eta Zerukoa kaleak lotuko dituen igogailuaren instalazioa beste hilabete batez luzatuko da eta, ziurrenik, azaroan amaituko da. AMARBE, S.M. enpresa esleipendunak bost hilabeteko epea zuen lanak egiteko, maiatzaren 20tik kontatzen hasita. Kontratuan ezarritako bost hilabeteko egikaritze-epe hori 2024ko urriaren 20an amaitzen bazen ere, epea amaitu baino lehen enpresa esleipendunak azpiegitura entregatzeko epea seigarren hilabete batez luzatzeko eskatu du, berari egotzi ezin dakizkiokeen ezinbesteko arrazoiengatik. Udal honek luzapen eskaera onartu du eta azaroan jasogailu berria hartzea espero du.

Atzerapena eragin duen arrazoia instalaziorako elektrizitate-linea amaitzeke zegoela izan da. Linea hori prest dago, eta laster instalatuko den kontagailua falta da. Korronte elektrikoa ezinbesteko baldintza da igogailua martxan jarri ahal izateko.

Amarbe S.L.k erremateren batzuk ditu maldan, besteak beste, pintura-lan batzuk, baita kabinako sarreraren ezkerreko paretaren irregulartasunak estali eta konpondu ere. Erremateak amaitu ondoren, instalazioa zerbitzuan jarriko da.