"Zuhaitzek dena dakite", urteko azken ipuin-kontaketa saioa

Ermuko Udal liburutegiak urteko euskarazko azken ipuin kontaketa saioa antolatu du, Arratsaldean kontu kontari zikloaren barne, larunbat honetarako, abenduak 23.

Saioaren izenburua Zuhaitzek dena dakite da, eta 3 eta 8 urte arteko haurrei zuzenduta dago. Birjiñe Albira kontalaria arduratuko da kontaketa dinamizatzeaz.

Jarduera 17:30ean hasiko da Lobiano Kultur Gunean. Sarrera doakoa da, baina bertan parte hartzeko beharrezkoa izango da aldez aurretik izena ematea 943 17 92 12 telefonora deituz, WhatsAppa bidaliz https://wa.me/34943179212 edo mezu elektronikoa biblioteca@udalermua.net helbidera, haurraren izen-abizenak eta adina zehaztuz. Tokiak izen-emate hurrenkeraren arabera esleituko dira. Etenaldiak saihesteko, puntualtasuna eskatzen da.