Folkez Blai 2024

Aurkezpena

Ermuko Udalak, herriko folk musika taldeekin lankidetzan, Folkez Blai folk taldeen XIX. lehiaketa antolatu du. Lehiaketa honek bere sorreratik bi helburu ditu; batetik, musika bere errotik bertatik sustatzea eta, bestetik, modalitate hori lantzen duten musika elkarteen erakusleihoa izatea.

Lehiaketa bi fasetan gauzatuko da. Lehenengoan, lehiaketara aurkeztutako grabazioak aztertu eta hainbat aukeratuko dira; eta bigarrenean, finalera heltzen diren 6 taldeek zuzenean joko dituzte beraien abestiak. Bigarren fase honetan folk talde ospetsu batek eta aurreko edizioko talde irabazleak ere kontzertua eskainiko dute lehiaketako taldeek egingo duten oholtza beretik.

Hori horrela, folk taldeak bultzatzeko hasierako helburuari irailaren 13tik 15era bitartean Ermura etorriko zaizkigun guztiei musika mota hori deskubritu eta ezagutzeko aukera eskaintzea gehitzen zaio, guztion gustukoa izango dela espero baitugu. Lehiaketa honetan ez dute parte hartuko antolakuntzan lagunduko duten herriko taldeek, ez eta epaimahaikide izango direnek ere.

Oinarriak

Lehiaketan parte hartu ahal izango dute bere errepertorioan folk musika duten talde guztiek, estilo eta modalitate anitzetan, baldin eta gehienez ere bi disko argitaratu badituzte.
Lehiaketako taldeek lau abesti jasotzen dituen grabazioa bidali beharko dute, eta abesti horietatik gutxienez bik originalak (propioak) izan beharko dute. Bidalketa horretan taldearen historiala, argazkia, helbidea, harremanetarako posta elektronikoa eta telefono bat adieraziko dira Folkez Blai, Folk taldeen XIX. Lehiaketa titulupean. Materiala bidaltzeko:
- Posta arruntez Ermuko Udaleko Kultura Sailera: Lobiano Kultur Gunea. Goienkale 10, 48260. Ermua (Bizkaia).
- Posta elektronikoz: kultura@udalermua.net helbidera idatzita.
Grabazioak aurkezteko epea 2024ko martxoaren 15etik maiatzaren 15era bitartekoa da.
Lehiaketako epaimahaiak 6 talde aukeratuko ditu bigarren fasean parte hartzeko. Fase horretan taldeek zuzenean jo beharko dute aurtengo irailaren 13, 14 eta 15ean, Orbe Kardinalaren plazan egingo den jaialdian. Talde bakoitzaren emanaldiak gutxienez 45 minutu iraungo du eta ordu betea (60 minutu) ez du gaindituko.
Lehiaketaren bigarren fasean talde bakoitzak eman beharreko emanaldiak noiz izango diren (egun eta ordu zehatza) epaimahaiak erabakiko du eta aldez aurretik jakinaraziko zaie partaideei.
Sailkatuta suertatu arren sarituak ez diren talde guztiek 500€ jasoko dituzte, emanaldia egiteko Ermuraino etorri behar izanagatik laguntza moduan.
Lehiaketaren bigarren fasea hasi aurretik, horretan parte hartuko duten taldeek lehiaketara aurkeztutako abestiak propioak direla jasotzen duten agiria sinatu beharko dute. Zuzeneko emanaldian eurenak propio diren abestiak eta ez diren gainerakoak ere interpretatu ahal izango dituzte.
Finalera iristen diren taldeek lehiaketara aurkeztutako grabazioan bildutako lau abestiak jo beharko dituzte zuzeneko emanaldian.
Epaimahaia beren beregi eratuko da, herriko folk taldeetako kideekin eta Udaleko ordezkari batekin. Honek, bere azken erabakia eta lehiaketako irabazlearen ezagutaraziko ditu, irailaren 15ean.
Bi sari banatuko dira: lehenengoa 3.000 eurokoa izango da, eta bigarrena, 1.500 eurokoa (zergak barne).
Talde irabazleak Folkez Blai jaialdiaren hurrengo edizioan parte hartuko du gonbidatu gisa. Data eta katxeta antolakuntzaren eta taldearen artean adostuko dira.
Epaimahaiak lehiaketa osoa edo lehiaketako sariren bat hutsik uztea erabaki dezake.
Lehiaketan parte hartzeak lehiaketa arautzen duten oinarriak onartzea dakar. Oinarriak interpretatzerakoan zalantzarik sortzen bada, epaimahaiak kasua aztertu eta erabakia hartuko du.

Talde gonbidatuak

XFanekaes (Valentzia)

Iazko lehiaketaren irabazlea, XFanekaes, Folkez Blaira itzuliko da, punk folk estilorik hutsalenean bere abesti berriak aurkezteko, bere bereizgarri den espiritu eta esentzia berarekin.

Erritmoen, soinuen, energiaz beteriko abestien, uztartze ezin hobeko soinuen analgama aberatsaren eta haize freskoaren mestizajearekin itzuliko da taldea, sustraiko musikaren egungo panorama aberasteko.

Tapia eta Leturia Band (Euskadi)

Joseba Tapia (trikitixa eta ahotsa) eta Xabier Leturia (panderoa eta ahotsa) Euskal Herriko trikitixaren berritzaile nagusienetakoak dira. Egun, 10 kideko haizeen bandarekin lagunduak bueltatu dira eta Euskal Herriko eszena dantzan jarri dute beraien erritmo dantzagarriekin.

Bentazaharreko Mutiko Alaiak (Euskadi)

Bentazaharreko Mutiko Alaiak euskara eta kantua ardatz dituen taldea da. Ekimen partehartzailea izatea gustatzen zaie, kalean daudenak parte hartu eta euskal kantutegiari astindu bat eman.

Foto promocional del grupo Bentazaharreko Mutiko Alaiak

Foto de una actuación del grupo Fouraleda

Foulareda & Alboka Musika Eskolako Trikitilariak (Ermua)

Galiziar eta zelta-erritmoak hurbiltzen dizkigu herriko gaita-jole banda honek Alboka Musika Eskolako trikitilariekin batera.

Gorakada - "La kermés del vermú" (Euskadi)

Kalean jende asko dabilenean eta animatuta dagoenean, bermut garaian, aperitibo garaian, lau musikarik, aktore eta abeslari batekin batera, jendeari kalejira egitera deitzen diote, dantzarako eremu batera eraman arte.

Ia ahaztutako egoerak birsortuko dituzte, berritsu ibiltari, azkar esatearen maisu eta salezinaren saltzaileek sortuak.

Lehiaketan parte hartuko duten taldeak

Picarós (Asturias)

lván Álvarezek (Asturiaseko gaitak, MIDI gaita, whistle eta ahotsa), Daniel de la Nava (gitarrak) eta Chus Fernández (bodhrana), Picarósek bere eragin aniztasunean aurkitzen du bere inspirazioa, hala nola Flook, Michael McGoldrick, Tejedor edo Llande Cubel. Hala ere, bere sormen-potentzialak batez ere konposizio propioko gaiez osatutako errepertorio landu bat ekarri du, musika tradizionalaren esentzia eta elementu garaikideak uztartzen dituena, soinu-esperimentazioaren eta generoen nahasketaren bidez, eta horren ondorioz soinu enpastatua eta estilo bereizia lortzen dira.

Besaide (Euskadi)

Besaide 2023.urtean Euskal Herriko herri musikan sustraitutako sortutako talde bat da, euskal folklorearen sustraiak, kodeak eta funtsa mantentzen sortzen jarraitzen duena. Eratu berria den taldea den arren, hain harrera ona izan du, non bere lehen urtean Soinueneako Udaberriko Kontzertua edo Aramaioko Alboka Eguna bezalako plazetan jotzeko gonbidatu duten.

Golconda (Katalunia)

Golconda 2020an sortuzen Bartzelonan. Bere soinua folkaren (musika irlandarra, balkanikoa, manouchea...) eta rock progresiboaren arteko nahasketa paregabea da. Bere kontzertuak energia eta birtuosismo dosi lehergarri bat dira. 2021aren amaieran atera zuten bere lehen diskoa. 2023an jaialdi propioa antolatu zuten Bartzelonan, FESTOTEM, sold out eta erabateko arrakastarekin. Udan bi kontzertuko bira egin zuten Italian, eta udazkenean Manresako Fira Mediterrànian aritu ziren, folk musikaren Europa mailako ekitaldi garrantzitsuan.

Boroa (Galizia)

Sabela Olivares buru duen bandak gaitaren funtzionaltasuna eta moldakortasuna ardatz dituen proiektua erakusten du, XXI. mendeko teknologia berrietara egokitzeaz gain.

Gaita protagonista dela, Boroak sorkuntza propioko melodia-multzo bat aurkezten du, Atlantikotik haratago bidaia musikal bat proposatzen duen soinu-unibertso bat eraikiz. Unibertso hori gure sustraietatik abiatzen da, eta hainbat musika-generoren harmonietara hurbiltzen da, hala nola swing-era, jazz manouche-ra edo ragtim-era.

Cardelina (Gaztela-Leon)

Cardelina Rosana Abad abeslari eta konpositorearen proiektua da, Burgoseko eta Soriako Tierra de Pinaresen kokatua. Folk-country estiloa bere nortasun-zigilua da, Gaztelako sustraiko musikarekin batera. Bi korronte horiek bat egiten dute bere konposizioetan, bereziki Flor de Berezo disko berria osatzen duten abesti berrietan, Diego Galaz, Blanca Altable edo Chuchi Cuadrado bezalako artisten parte-hartzearekin.

Old Time Spooks (Euskadi)

Old Time Spooks Euskal Herriko kantoi eta kalezuloen artean jaiotako spooky hillbilly punk taldea da. Banjoa, dobroa,garbitzeko ohola eta terreina bat erabiltzen dituzte amerikar folklorearen eta punkaren soinu tradizionalak nahasten dituen musika kementsu eta iluna sortzeko. Izurik klasikoenetik B serieko filmettara doazen letrekin laguntzen dituzte euren doinu ilunak.