Protesta laborala
Berrogei bat langile bildu dira gaur arratsaldean Ermuko Udaletxearen aurrean UGT eta CCOO sindikatuek deitutako protesta laboralean. Elkartutakoak Badesa, S.A.ren langileak izan dira. Badesa, S.A. orain dela hainbat urte sortu zuten ‘Debabarrena’ Mankomunitatea osatzen duten Udalek. Badesa enpresako langileek hiri hondakin solidoen bilketan eta kale garbiketan jarduten dute. Gaur arratsaldean bildutakoek, zuzenean Mankomunitatearen langile direnen lan baldintzak berberak eskatzen zituzten, hau da bere egunean udaletatik hartu, bere egin eta gaur egun Mankomunitatearen egituran barne daudenena. Badesako langile horiek pankarta baten atzean bildu dira, non ondokoa irakur zitekeen: ‘Soldata berdinak. Gezur gehiagorik ez. Negoziazioa orain’. Bildutakoek kontsigna kantatu eta beraien lan egoerak hobetzea aldarrikatu dute, txilibituak eta bonboak joz, bertan zeudela agerrarazteko. Félix Prol Salgado eta José Luis Araujo Araujo alkateordeak, udalaren ordezkari direnak Mankomunitatean, langile horien bozemaileak hartu eta horiekin elkarrizketatu dira. Protestak berrogeita bost minutu iraun du, taldea desegin egin denera arte.