Brontzezko domina jauzi hirukoitzean

Jorge Vega Rueda ermuarrak jauzi hirukoitzean brontzezko domina eskuratu berri du estatuko txapelketa batean. Oraingo hau eskuratzen duen bigarrena da, orain dela bi urte ere brontzea lortu baitzuen, Valentzian izaniko edizioan. Ermuarrak duela egun batzuk Donostian eta pista estalian jokatutako Espainiako txapelketan podium gainera igo da, 15 metro eta 10 zentimetroko jauzia egin eta gero. Ermuarrak urteko markarik onena lortu zuen seigarren eta azken saiakeran, saltaririk onenen artean kokatuz. ‘Bidezabal’ taldeko kirolariak, Donostian jokatutako txapelketara arte, aurten zuen erregistrorik onena 15,10 zen, Gasteizen lortutakoa.

Beste emaitza batzuk

Altuera-jauzian, bestalde, Alex Soto ermuarrak ere txapelketa borobila egin zuen, dominarik lortu ez bazuen ere. Sailkapenean hau laugarren geratu zen, 2 metro eta 12 zentimetroko jauzia egin eta gero. Mikel Jimenénez taldekide galdakarrak, hiru zentimetro gutxiago saltatu zituen (2,09 m) eta, azkenean, zortzigarren postuan geratu zen sailkapen orokorrean.