Arratsaldez kontu-kontari ekimenaren saio entretenigarria

Hogei bat gazte bildu zen larunbat honetan, udal liburutegiak antolatutako ‘Arratsaldez kontu-kontari’ ekimenaren saioan.

Larunbateko ipuin kontalaria Esti González ermuarra izan zen, 5 urtetik 9ra bitarteko umetxoen arreta erakartzea bete betean lortu zuelarik. Bildutakoek, hiru ordu laurdenez ipuin anitzak entzuten gozatu zuten. Erabilitako ipuinen errepertorioa zabala izan zen eta kontatutakoen artean aipatzekoak dira Adela Turín autorearen “Arturo eta Clementina” eta “Paketume”. Ipuin horiek jasota daude ‘Lumen’ argitaletxeak kaleratutako liburu baten. Saioa amaitu aurretik, Estibalizek hainbat trikitixa kantatu zituen.

Larunbatean, umeak ez ezik amaren bat ere parte hartzera animatu eta saioa entzuten geratu zen, seme-alabari laguntzearen aitzakiaz baliaturik.