-Bikote irekia- obra antzeztuko da gaur

Suripanta antzerki taldeak, Franca Rame eta Dario Fo senar-emazteak erdibana idatzi zuten ‘Bikote irekia’ obra antzeztuko du gaur Zineman, gaueko hamarrak eta laurdenetan. Egokitzapena eta zuzendaritza, Carmen Galartza zuzendariarenak dira. Obran parte hartuko duten antzezleak ondokoak dira: Mª Sol López, Pedro Rodríguez eta Jesús Martín Rafael. Sarrerak takilan eros daitezke 8 eurotan. Ekitaldia Emakumearen nazioarteko eguna ospatzeko hilabete honetan prestatu den programaren barne dago. Hori horrela, antolatzailea Berdintasunerako udal saila izan da.

Sinopsia

Senarrak emazteari beraien harremanean fideltasunaren kontzeptua ezabatzea proposatzen dio. Emaztea ez du ulertzen zergatik, baina negar batean proposamena ontzat ematen du. Azken batean, bizi duten garaiaren ezaugarri bat da. Gizona, zoriontsu dago. Konkistatzen dituen amorante guztiak ez baititu ezkutatu beharko, ez eta errudun sentitu beharko. Egoera librea izango da, guztiz demokratikoa. Gauzak aurrera jarraituko dute gorabeherarik gabe, egoerak buelta eman bitartean. Emazteak amorante gazte, prestu eta eredugarria lortzean gauza korapilatu egingo da, senarrari ez baitzaio ondo irudituko. Ezingo baitu jasan.

‘Bikote irekia’ amodioari eta bikoteen arteko harremanari buruzko lana da, oraindik gaur egun, gai unibertsal honen inguruan pentsaraziko diguna eta, batez ere, barre arazi egingo diguna.