Antzerki musikala haurrentzat

‘Sointek produkzioak’ konpainiak antzerki musikal bat haurrentzat eskainiko du bihar arratsaldez, Ermua Zineman, arratsaldeko 5etatik aurrera. Ikuskizunak ‘Xurdin ipotxen munduan’ titulua du. Taldeak dioenez biharkoa ikus daitekeen antzerki musikalik ikusgarrieta animatuena da. Gainera taldea laister EITBko Txirri, Mirri eta Triribiton pailazoen ‘Triki traka trikitron’ saioan agerpen oso bereziak egingo dituzte. Obrako pertsonaiak bost dira: Xurdin, Dofasol, Haizeder, Zirri eta Borro. Taldea inoiz ezagutu den baso alaienean bizi da, kideak egun guztiak jolasean eta dibertitzen pasatzen dituztelarik. Baina egun batean, Onto izeneko izaki maltxurrak, haien zoriona zapuzten saiatuko da. Haur eta ikusleek Xurdin eta bere lagunei lagundu beharko diete, onik irten daitezen.

Ikuskizuna udal kultura sailak antolatu du. Sarrerak bost euro balio du eta gaur, arratsaldeko 15,00ak bitartean sailaren bulegoetan eskuratu ahal izango dira. Bihar, aldiz, ikuskizuna hasi baino lehenago Zinemako takilan bertan erosi ahal izango dira.