Ermuak 4 etxebizitza zozketatuko ditu minusbaliatuentzat

Udal honek babes ofizialeko eta minusbaliatuentzat egokitutako lau etxebizitza zozketatuko ditu datorren hilean. Zozketa horretan behar eta ezaugarri horiek dituzten eskualdeko biztanleak sartuko dira, ermuarren eskaririk ez baitago eta 2005ean hutsik geratu baitziren. Zozketa apirilaren 24an egingo da, Udalbatzak aurreko astean eginiko Osokoaren Bilkuran hartutako erabakiari jarraiki.

Etxebizitza horiek Abeletxen eta San Antonioko promoziokoak dira eta hutsik daude, iaz horrelako ezaugarri eta beharrak dituzten ermuarrentzat eginiko zozketetan e zirelako bete. Hori horrela, Etxebizitza eta Gizarte Gaietarako Sailburuak 2000ko abenduaren 26an eta 2003ko abenduaren 16an xedatutakoaren arabera, eskualdeko herrietako biztanle minusbaliatuen artean zozketatu behar dira.

Udal honek jada eskatu dizkio Eusko Jaurlaritzari horrelako etxebizitzak eskatu dituzten eskualdeko biztanle minusbaliatuen zerrendak. Etxebizitzak apirilaren 24an Udalbatzak egingo duen Osokoaren Bilkuran zozketatuko dira, interesdunek jendaurrean egingo den zozketara sartu ahal izango direlarik.

Zerrenda