Haurrentzako liburuen nazioarteko eguna

Udal liburutegiak Hans Christian Andersen idazle danimarkar famatuaren lanak bildu eta erakusketa antolatu du. Bildumari ondokoa titulua jarri izan zaio: ‘Behin batean… Hans Christian Andersenen ipuinak’. Andersen autore oparo eta famatuari omenaldia eskainiko zaio aurten, apirilaren 2an ospatuko dugun ‘Haurrentzako liburuen nazioarteko egunean’.

Aipatu egun hori dela-eta, udal liburutegian ipuin kontalarien saio berezi bat antolatu du datorren larunbaterako. Saioa Andersenek idatzi eta ‘Printzesa eta ilarra’ titulatutako obran oinarriturik egongo da. Saioa Esti González Solozabalek emango du eta ikuskizunean herriko ikasle gazteek prestatutako irudiak, olerkiak eta testuak uztartuko ditu.

Herriko ikastetxeek martxoko hilabetean zehar ipuin hori irakurri eta lantzen jardun dute. Horrela, ikasleek ipuina amaitzeko modu ezberdinak proposatu, neurtitzetan kontatu edo obran jasotako pasarteak marraztu izan dituzte. Lan horiek guztiak liburutegira bidali dituzte eta zerbitzuak ikusgai jarriko ditu datorren astean zehar haurrentzako aretoan. Ondoren, lanak koadernatu egingo dira eta agerian jarri ikusi nahi duten guztientzat.

Deskontuak haur eta gazteentzako liburuak erosteko

Bestalde, irakur zaletasuna sustatzeko helburuarekin, herriko ‘Maribel’ eta Xiripot’ liburutegiek %10eko deskontua egingo digute haur eta gazteentzako liburuak erosi eta udal liburutegiko txartela erakusten dugun ermuarrei.