-El Arco- filma proiektatuko da gaur

Gaurko zine-klubeko emanaldian Ki-Duk Kin zuzendari korearraren filma emango da. Filmaren titulua ‘El Arco’ da. Drama generoan txertatzen da, laurogeita hamar minutu irauten ditu eta emanaldia 22,15etan hasiko da. Gaurko saioa iraileko azkena izango da. Sarrerak 2,60 euro balio du ikusle orokorrarentzat.

Sinopsia

Edadeko arrantzalea itsasoan bizi da, txikitan jasotako neskatilarekin batera. Arrantzalearen asmoa neskatila norbaitekin ezkontzea da, hark hamazazpi urte bete bezain pronto. Bitartean, ezkonsaria prestatzen dio eta errespetatzen ez duten gizonengandik babesten du. Neskatila babesteko duen modu bakarra arku batez baliatu eta geziak jaurtitzea da. Arku hori etorkizuna igartzeko eta musikarako ere erabiltzen du. Egun batean, gizon talde bat itsasontziratzen da arrantzara irteteko. Horien artean unibertsitario izandako mutil gaztea dago. Mutila eta neskatila maitemindu egiten dira. Arrantzale zaharra jabetzen da zuen asmoak bereak egin duela…