Agustin Jiménez komikoaren azken ikuskizuna aurkeztuko gaur
Agustín Jiménez komikoak ‘7pecados.com’ ikuskizuna aurkeztuko du gaur Ermuan. Emankizuna Zineman egingo da, gaueko hamarrak eta laurdenetatik aurrera. Sarrerak 12 € balio du ikusle orokorrentzat eta, bi euro gutxiago zinemako bazkide direnentzat. Lana ‘stand-up comedy’ genero amerikarrean oinarritzen da eta aktore bakarraz baliatzen aitzindaria da; aktore hori ikuskizunaren izar bakarra bilakatzen da.
Telebista izan da Agustin Jimenezi ospea eman dion medioa. Gaur egun pil-pilean dago eta arrakasta lortu du ''Splunge'' programarekin eta ''La noche con...Fuentes'' programan duen kolaborazioarekin. ‘Paramount Comedy’ kanalaren harrobikoa dugu, generoaren bazterrak harrotu dituena eta bakar hizketaren bidez eszenatokian oso ondo moldatzen dena. Jiménezek adimenaz baliatzen da ikuslearen irrifarrea lortzeko.
Jimenez Antzezpen Eskolan ikasitakoa da eta estatu osoko eszenatokietatik ibili izan da.Telebistako ‘Lleno por favor’ edo ‘Turno de oficio’ telesailetan lan egin du. Bestalde, aktore, esatari, mago eta mimo-antzezle gisa ere lan egin du.