Ermuak kaskoa jarriko du
Ermuak ‘Pub Dakota’ izeneko moto zaletuen I. festa ospatuko du biharko egunean. Jaia taxien geltokiaren ondoan egingo da, bertan ikusgai egongo baitira parte hartuko duten motoak. Ekimen honen bultzatzaile Mentxu eta Paqui neska gazteak ditugu. Biek moto zale amorratuak dira eta ideia orain urtebete bururatu zitzaien. Mentxuren esanetan antolakuntza lana ez da erraza izan, gauza asko lotu behar izan dituztelako. Nolanahi ere, azkenean ideia gauzatu egingo da, ‘Carpe Diem’ eta ‘Zirimiri’ tabernen laguntza eta Ermua Autoeskolaren eta Udalaren babesa jaso izan dutelako.
Ekimenaren helburua motorren mundua hedatzea eta ezagutaraztea da eta, aldi berean, urteko asteburu batean jendea erakartzeko gauza interesgarri bat antolatzea, horrek ostalaritzari berari ere mesede egingo diolakoan. Jarduera adin eta mota oroko pertsonentzat pentsatuta dago, gazte nahiz helduentzako ekintzak izango baitira. Dena den, antolatzaileek helduentzako ezusteko bat egongo dela iragarri dute, herrian estreinakoz ikusi ahal izango diguna. Zer ote? Adi egon beharko gara.
Antolatzaileek adierazi digutenez, Euskadi osoko moto zaleak etorriko zaizkigu eta kopurua handia izan daiteke eguraldia lagun izaten badugu. Etorriko direla baieztatu dutenen artean Bilbo, Dima, Abadiño eta Donostiako moto zaleak ditugu. Bozemaileek guztioi parte hartzera gonbidatu gaituzte, esan digutenez esperientzia dibertigarria oso izango baita.
Egitaraua
- 17:30etan. Moto-Tribiala gaztetxoentzat Ermua Autoeskolan. Opariak parte hartzaileentzat.
- 18:00etan. Jaiari hasiera emango zaio.
- 19:00etan. Jolasak: geldoen proba eta saltxitxa harrapatzea.
- 20:00etan: Javi Mañón umoristaren saioa ‘Dakota’ tabernan.
- 23:00etan. ‘Los Indomables’ musika taldearen emanaldia ‘Carpe Diem’ Pubean.
Jaia dela eta, Probaleku kalea zirkulazioari itxiko zaio, arratsaldeko 2etatik aurrera.
Lotutako albisteak

"El segundo acto" eta "Misión Panda en África" ere ikusgai izango ditugu datozen egunetan

Txapelketak izaera ludikoa izango du, ekainean jokatuko eta izen-emateak maiatzaren 20ra arte egin daitezke

Aste honetan "La chica de las Aguja", "Por todo lo alto", "Un funeral de locos" eta "La Luz de Aisha" proiektatuko ditu