PSE-EE-PSOEk eta Totorikak konfiantza berritu eta alkatetzari eutsiko diote

Ermuko Partidu Sozialistak gaurko udal hauteskundeetan bozkatu duten gehiengoaren babesa lortu du, Carlos Totorika hautagaia buru zuen zerrendak 3.709 boto bildu baititu (%48,66). Boto horiei esker sozialistek hamazazpitik bederatzi zinegotzi izango dute hurrengo legegintzaldian, hau da gehiengo osoa. Bigarren alderdi gisa Partidu Popularra suertatu da, 1559 txartel eta 4 zinegotzi eskuratu dituelako. Boto kopuruaren araberako zerrenda horretan, hirugarren tokia EAJ-PNVri egokitu zaio 1.055 boto eta 2 zinegotzirekin. Azkenik, sailkapenean eta aurrekoarengandik oso hurbil EB-Berdeak izan da laugarren 924 txartel eta beste bi ordezkarirekin. Azkenik, esan Eusko Alkartasunak ez duela ordezkaririk lortu, 246 botoek ez baitira nahikoak izan. Ermuan hautesleen %60 bozkatu du gaurkoan, parte-hartzea duela lau urterekin alderatuta, bederatzi puntu jaitsiz. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin-betikotzat joko ditu organo horrek.

2007-2011 legegintzaldian Ermuko Udalbatza osatuko dutela aurreikusten direnen zerrenda ondorengoa da:

2007-2011 legealdiko udalbatzaren osaketa seguruenik

Postua	Talde politikoa	Izena eta abizenak	Argazkia
1	PSE-EE PSOE	Carlos Totorika Izagirre jauna
2	PSE-EE PSOE	Leire Zapico Reol andrea
3	PSE-EE PSOE	Félix Prol Salgado jauna
4	PSE-EE PSOE	José Luis Clemente Albiz jauna
5	PSE-EE PSOE	Natividad Alonso Estalayo andrea
6	PSE-EE PSOE	José Luis Araujo Araujo jauna
7	PSE-EE PSOE	María Asunción Ardanza Tellería andrea
8	PSE-EE PSOE	Miguel Ledesma Piñeiro jauna
9	PSE-EE PSOE	Victorio Ferrero Fernández jauna
10	PP	Fernando Lecumberri Gaisan jauna
11	PP	Jesús Martín Díaz jauna
12	PP	José María Cordón Gil jauna
13	PP	Virginia Arroyo Aburto andrea
14	EAJ-PNV	María Angeles Gorrotxategi Arrizabalaga andrea
15	EAJ-PNV	Maider Totorika Olaizola andrea
16	EB-B	Rosa María Caballero Rubio andrea
17	EB-B	José Luis Gimeno Lasanta jauna

Gauzak aurreikusita dauden bezala eta gorabeherarik ez badago Udalbatza berria ekainaren 16an eratuko da Osokoaren ezohiko bilkura batean. Bilkura hori larunbat goizez egingo da. Datozen lau urtetarako alkatea ere bilera horretan aukeratuko delarik.

Informazio gehiago