Hauteskunde-mahaiak eratu eta kolegioak zabalik normaltasunez

Hogeita sei hauteskunde-mahaia eratu dira gaur goizean Ermuan, Udaletako gobernu eta Bizkaiko Batzar Nagusiak hautatuko diren jardunaldi honetarako. Hauteskunde-mahaiak azkar eratu dira ez baita egon inolako arazorik. Hori bai, betiko moduan mahaiok eratzeko izendatuta zeuden gutxi batzuk berandu ailegatu edo agertu ez diren arren. Egoerari aurre egin zaio mahai presidente, 1. edo 2. bokalen ordezkoekin. Dagoeneko hauteskunde-kolegio guztiak zabalik daude eta, jada, ermuar goiztiarrenek hasi dira bozkatzen. Normaltasuna, nagusi da. Eguna behe-lainoz argitu du, hots-beroa 9 gradukoa zen eta ateri zegoen.

13.524 pertsonak bozkatu dezakete

Ermuan hamazortzi urtetik gorako 13.524 pertsonek bozkatu ahal izango dute gaur Ermuan, hautesle-erroldan jasotzen denaren arabera. Ermuak guztira 16.374 biztanle daude erroldaturik. Gaurko Udal hauteskundeetan bost hautagai-zerrendei eman diezaiokegu ermuarrok gure botoa. Hautagai-zerrenda horiek eta horietan buru doazenak ondorengoak dira:

• PSE-EE-PSOE: Carlos Totorika Izagirre
• PP: Fernando Lecumberri Gaisan
• PNV-EAJ: Mari Angeles Gorrotxategi Arrizabalaga
• EB-Berdeak: Rosa María Caballero Rubio
• EA: Mikel Tejedor Mateos

Lurraldeko Batzar Nagusietarako aurkeztu diren partiduak zazpi dira, arestian jasotako bostak eta Euskal Herriko Karlista Alderdia eta Alderdi Humanista.