Musika ugari herriko jaietan

Santiago Apostoluaren omenez uztailan ospatuko ditugun herriko jai nagusiak musika ekarriko digute barra-barra. ‘Santixauetan’ guztira hamasei musika ikuskizun eta emanaldi izango dira, musikak leku nagusia izango baitu egitarauan. Programatutako guztiaren artean, aipamen berezia merezi dute hiru ekitaldi: Loquillo musikariaren eta Nuevo Mester de Juglaria taldearen kontzertuak eta ‘Los 5 bilbainos’ taldearen emanaldia. Nolanahi ere, eskaintza zabala izango denez, musika estilo eta joera guztiak entzuteko aukera izango da. Horren helburua jende gehienaren eskaria asetzea da, nahiz eta kultura alorrak jakin badakien, musika kontuetan pertsona beste gustu egon daitezkeela. Horiek horrela, kantautoreak, bakarlariak, orkestrak, perkusio taldeak, eta dantzaldietakoak izango ditugu. Horiek guztiek, estilo eta musika jotzeko modu bat dute eta horien artean, funky-jazza, jazz-fusioa, perkusioa, rocka eta diskoa daude.

Emanaldi guzti horiek, jada inprentan dagoen jai egitarau ofizialaren barne jasotzen dira. Dena den, herriko jaien hiru egun zehatz eta nagusietara bitartean ez dugu itxaron beharko, aurreko astetan hasiko baitira.