Mª Luz Padro eta Xavier Ziarsoloren lanak ikusgai Lobianon

Mª Luz Padro eta Xavier Ziarsolo ermuarrak beren koadroak ikusgai jarri dituzte Lobiano Kultur Gunean jarri berri zen pintura erakusketan. Biak herriko ‘Mugartea’ taldeko kideak dira. Erakusketa horretan teknika ezberdinekin egindako eta tamaina ezberdineko hainbat koadro daude. Bilduma Lobianoko behe solairuaren aretoetan jarrita dago, autore bakoitzak berea baitu. Erakusketa uztailaren 15era bitartean egongo da zabalik. Bere ordutegia lanegunetan arratsaldeko 6etik 8etara bitartean da eta larunbat eta jai egunetan, goizez 10etatik ordu 2etara eta arratsaldez 6etatik 8etara. Sarrera doan da. Erakusketa udal kultura sailak antolatu du.