Koadrilen arteko proba gehiago gaur arratsaldean

Txarangen batzordeak antolatutako koadrilen arteko jokoek aurrera egingo dute eta gaurkoan neurketa berri bi jokatuko dira. Arratsaldeko zazpietatik aurrera ‘pepinoen’ eta globo-otarren probak jokatuko dira, Orbe Kardinalaren plazan.

Lehenengo proba izen bereko barazkia izter artean hartuta errelebutako lasterketa korritzean datza. Lasterketa honetan egoera barregarri eta konprometitu bat baino gehiago suertatzen ohi da. Bigarrena, trebetasun eta abileziakoa da. Bi kidek jokatzen dute, lehenak urez betetako globoa zapiaz bestalde dagoen bestearen sorbaldan dagoen otarrean sartu behar du, hari baten gainetik pasa eta gero. Seguruenik, batek baino gehiagok, blai bukatuko du.

Bihar, oiloaren triatloia eta jatorrizko bekatuaren probak jokatuko dira.