Jai asteburu osoa bat, aurretik dugu

Gaur hasiko dugun asteburuak hasiera estraofiziala emango dio herriko jai nagusiei. Dena den jende ugarirentzat sasi hasiera hori ez da estraofiziala izango, inondik inora ere. Aurtengoan, uztailaren 25eko eguna ez da jai izango gure Erkidegoan, baina bai Ermuan. Dena den, herritik kanpo lan egiten dutenak ugari dira eta hortaz are zailago izango dute herriko jaiak bete betean bizi eta gozatu izatea. Askorentzat, berez, asteburua besterik ez da izango parrandarako. Gaur zortziko egunari dagokionez ere antzerako zerbait gertatuko da, koadrilen betiko eguna edo ‘Zezen eguna’ ez baita jai izango herrian. Hori horrela, batek baino gehiago erabaki zaila hartu beharko du; hau da lanera zintzo joatearen edo kale eta piper egiteko erabakiaren artekoa aukera egitea.

Momentuz eta jai egarria asetzen joateko, larunbata eta igandea izango dugu. Eta horiek aprobetxatu, askok besterik ez baitute izango. Larunbatean, kirol txapelketak, mahai eta rol jokoak, eta musika ugari izango ditugu, besteak beste. Iganderako ere jarduera piloa aurreikusita daude eta, horien artean, aipatzekoak dira, kalejirak, hitzaldiak, boloak, eta musika gehiago izango ditugu. Programan jasotako ekitaldi eta ordutegi zehatzak ikusteko, jo beheko aldean eskaintzen dugun informazio gehiagoko atalera edo azalean jarri dugun ikonora.