Kulturak salmenta-makina berriak ipini ditu Teresa Murgan

Udal kultura sailak salmenta-makina berriak ipini ditu Teresa Murga eraikinaren sarreran. Makinak kultura eta hezkuntza zerbitzuak jasotzen dituen eraikinaren sarreran jarri dira eta horietan kafea, freskagarriak eta ura atera daitezke aukeran, txaponen truke. Makina horiek jarri dira erabiltzaile askok eta, batez ere, liburutegiak, aspaldidanik eske zeudelako. Gogoratu behar erabiltzaile askok hainbat ordu segidan ematen dituztela eraikinean bertan. Orain urte batzuk eta obrak egin aurretik bazen kafe makina eraikinean, baina hori kendu egin zen gutxi batzuk errespetatzen ez zuelako eta gertaera bandalikoak izan zirelako.

Orain, obrak egin izan direnean zerbitzua berriz jartzea erabaki da, batez ere, udal liburutegiak zerbitzu hobe eta osotuagoa eskaintzearen aldeko apustua egin duelako. Udal liburutegitik adierazi digutenez, ‘erabakiarekin asmatzea espero dugu eta erabiltzaileen eskaria asetzea’. Halaber, makina berri horiek errespetatzeko dei eta eskaria ere luzatu dute’ berriz kentzeko erabakia hartu beharrik ez izateko.

Bestalde, eraikinak duen igogailua ere erabiltzeko prest dute herritarrek. Obrak egin izan diren bitartean ezinezkoa izan da igogailua erabiltzea eta lehenago, bere sarrera Iparragirre kaletik egiten zen.